KINDERGARTEN CURRICULUM
Para sa ginikanan/magtudlo:
Kini nga modyul maghatag og katin-awan sa magtudlo kay sulod niini nakahan-ay ang mga pamaagi ug mga pahimangno nga nagsilbing giya kung unsaon pagpasabot ang bata sa mga buluhaton. Itudlo sa bata ang insakto nga paggamit niini. Basaha ug ipasabot pag-ayo ang mga pahimangno. Giyahi kanunay sa mga buluhaton nga ipabuhat sugod sa sinugdanan hangtud sa kataposan. Ipahibalo nga adunay papel nga gilain para butangan sa mga tubag sa mga pangutana sa pasiuna, sa kaugalingon ug sa panapos nga pagsusi.
Para sa bata:
Kini nga modyul kinahanglan nga ang bata maminaw og mosunod sa magtudlo aron nga matubag ang mga pangutana ug mabuhat ang mga buluhaton nga ipabuhat. Sulod niini, gibahin kini sa upat ka mga buluhaton nga naglangkob sa nagkalainlaing kasinatian ug pagsusi sa kaugalingon nga gipahaom ug gipatumong sa mga tema sama sa: Akong Kaugalingon, Akong Pamilya, Akong katilingban, ug Mga Butang sa Palibot, nga ang basehan mao ang “Pinaka-mahinungdanong Katakus sa Pagkat-on”.